અમદાવાદથી ફકત 225 કિ.મી. અને ગુજરાત રાજ્યની રાજધાની ગાંધીનગરથી ફક્ત 200 કિ.મી. દૂર આવેલું, બનાસકાંઠા જિલ્લાનું ઝડપથી વિકસી રહેલું શહેર એટલે થરાદ. થરાદ પહેલાં થીરપુર, થીરાડી, થીરપદ્ર તરીકે પણ ઓળખાતું હતું. થરાદની દક્ષિણે બનાસકાંઠાનો દિયોદર તાલુકો, પૂર્વ તરફ ડીસા અને ધાનેરા તાલુકાઓ, અને પશ્ચિમ તરફ વાવ તાલુકો આવેલ છે.

થરાદ ઉત્તરોતર પ્રગતિ કરી રહ્યું છે. જેમાં અહીંના ઉત્સાહી યુવાધન અને કુશળ વેપારીઓ, તેમજ પ્રશાસનનો ખૂબ જ મહત્વનો ફાળો રહ્યો છે. નર્મદા નહેર થરાદ વિસ્તારમાં આવતાં, બાગાયતી અને ઉચ્ચ વળતરવાળી ખેત-પેદાશોથી, ખેતીમાં અકલ્પ્ય સમૃધ્ધિ આવી છે, અને રોજગારીની ઘણી તકો સર્જાઈ છે.

તેમજ થરાદમાં હવે વિશિષ્ટ સુવિધાઓ જેવી કે, નામાંકિત શૈક્ષણિક સંસ્થાઓ, ઉચ્ચ ક્ક્ષાની મલ્ટી-સ્પેશ્યાલીટી હોસ્પિટલ્સ, રેસ્ટોરન્ટ્સ, મોલ્સ પણ ઉપલબ્ધ હોવાથી અહીંનું જીવન ખુશહાલી અને વૈભવ થી ભરપુર છે. જેથી ફક્ત થરાદ જ નહીં, પણ આજુબાજુના તાલુકાના લોકો પણ થરાદમા વસવાટ તેમજ વ્યવસાય માટે, મોં માગ્યા ભાવે પ્રોપર્ટી ખરીદવા તત્પર બન્યા છે. થરાદ એક અકલ્પનીય પ્રગતિના શિખર સર કરવા જઈ રહ્યું હોવાથી, હવે તો આજુબાજુના જીલ્લાના લોકો પણ થરાદ તરફ મીટ માંડી રહ્યા છે. એટલું જ નહિ, એવું પણ સંભળાય છે કે એન.આર.આઈ. અને ફોરેનર્સ પણ અહી મોટા પાયે પ્રોપર્ટી માં રોકાણ કરે છે.

ઝડપી પરિવહન માટે થરાદથી સીધો અમદાવાદ એક્ષ્પ્રેસ-વે તો છે જ, વધારામાં ભારતમાલા પ્રોજેકટ હેઠળ બની રહેલ નવો હાઇ-વે થરાદથી નીકળે છે, જે થરાદને કોઈ પણ જીલ્લા મથકને ટક્કર આપવા સક્ષમ બનાવે છે. આ તમામ બાબતોના લીધે થરાદ ગુજરાત રાજ્યનું માન્ચેસ્ટર બને તો પણ નવાઈ નહી રહે.